1、 設計：傅千珊老師修稿：李昭蓉老師世界母語日，母語大聲講答喙鼓腳本人物：阿龍、阿珊地點：學校內容：珊：阿龍，你敢知影二月二十一號是啥物日子？龍：嗯，二月二十一號，啊！我知！是毋是你的生日？誠無彩！迄工猶閣咧歇寒，猶未開學，按呢就食袂著你生日的雞卵糕啊呢！珊：HOO ！不是啦！二月二十一號是世界母語日啦！龍：Hann啥物是世界母語日 ？珊：這是聯合國定的，每一冬的二月二十一號，就是世界母語日 ，佇這工逐家攏愛講家己的母語喔！龍：聯合國定的喔！按呢毋就世界各國攏知影這日是世界母語日？珊：Henn 啊！干焦你毋知 niann！龍：欸阿珊仔，你敢會使共我講，為啥物欲定世界母語日這個日子啊？珊：因為聯合
2、國教科文組織的調查發現，世界上有 96的語言，干焦 4的人咧使用，簡單來講，就是每二禮拜就有一種語言按這個世界消失，為著避免這款的現象，才會定二月二十一號是世界母語日啊！龍：Hann遮嚴重喔！二禮拜就有一種語言消失去。毋過，這和（ham7）我有啥物關係咧?珊：關係足大呢！像咱這嘛咧講的台語，你若是久無說，沓沓（tauh8）仔就會消失去。龍：啊消失去會按怎？珊：一種語言若是消失去，伊的文化就會沓沓仔消失去。龍：有這麼嚴重嗎？珊：你毋相信喔？無，我問你麻老是啥物？龍：啥物？麻老？我毋知。珊：你講你毋知，毋過你一定有食過。你看，這就是麻老 。龍：喔！這我知我知，過年的時陣，抑是拜拜的時陣，阮阿媽有予
3、我食過。珊：Henn 啊！你看！你食遮爾久，毋知影伊的名號做麻老！龍：（不好意思）是啊！真歹勢！珊：我閣欲提醒你：過年轉去阿公阿媽兜的時，愛參阿公阿媽講母語，用咱的台灣閩南語、客家語佮原住民族語來拜年講好話，予你紅包收袂離！龍：是啊！老師有教阮錄影傳去網站，閣會當參加寒假網路作業的比賽呢！珊：崇明國小-世界母語日。龍：逐家做伙來講母語！（修業式前，請利用電腦課教導學生錄影及上傳技巧）一月二十日 休業式實施程序1. 老師先介紹兩位小朋友出場。2. 答喙鼓表演3. 老師介紹各語族打招呼、拜年的方式，以校內有的族群為優先，如：台灣閩南語、客家語、魯凱語、阿美語、排灣語等。4. 全體小朋友一同呼口號：221 世界母語日，母語大聲講 。5. 結束。
