按照谜底的内容主要分做三大类：.doc

1、按照謎底的內容主要分做三大類：一、事謎：主要以人的動作做謎底。二、物謎：主要用具體的物件做謎底，包括人體器官、生活用品、動物、植物、礦物，自然天象等等。三、字謎：主要是用字來做謎底，包括單字、俗諺、成語、經典名句、地名、人名等等。下面就按照這三大類舉一寡例做參考：一、事謎 一陣鳥仔白蒼蒼，二枝竹仔趕入孔。-用箸食飯 五哥攬二嫂，攬去蹺蹺（khiau）倒，跤縫下，一下扒開，一個味素，真正好。-食飯 我手攬汝腰，汝尻川，予我放火燒。-食熏 空對空，肉骨對肉屑（sut） ，一個攬下腰，一個攬頷頸， 一個喝好，一個毋放 lut。-飼奶 軟骨拄硬骨，拄袂落，搵瀾閣再拂。-飼奶 肉孔鬥肉榫（sun2）一個

2、抱尻川一個抱頷頸。-餵奶 兩個姊妹仔，平懸平大，一個在內，一個在外。-查某人照鏡 四目相睨（ge2）四跤相叉一個咬牙根一個歪喙 phue2。-挽面 新起樓仔門半開，三牲九禮請伊來，等待食飽了，無路出去上蓋害。-鳥鼠廚（補鼠籠） 八跤四耳，雙頭有喙齒，一個恁姐夫，一個恁大姐。-狗性交 我踞（ku）汝相，我爬來汝來食甲暢。-狗食屎 空殼樹，哩咯籽，跋落去，卻袂起。-放屁 砰篷門，畢噗籽，跋落椅仔跤，揣甲死。-放屁 有聲無影，有味素，無鹹汫（ciann2） 。-放屁 一陣風，一陣雨，一條菜瓜跋落塗，予汝臆三項物件。-屁、尿、屎 烏面賊，扑袂死，埋袂密。-人影 一項物件，輕輕薄薄，浸水袂澹（tam5）

3、 ，放火袂著。-人影 頭前魚尾叉，後面虎咬雞，中央疊草匏，後面結一瘤，兩邊好縛牛。-纏腳 一角兩目，四跤兩頭。-牽青瞑 雙頭兩隻狗，中央一個金斗，金斗蓋一下掀開，中央走出一隻老烏龜。-坐轎的 青竹枝，白竹葉，陳三扛咧走，五娘趕袂著。-抬棺 雞籠帶走，雞仔啁啁哮。-扛棺材出葬 穿熱衫，戴熱帽，舉拐仔，唱山歌。-孝男 四蕊目睭，頭前行，後壁咻。-駛牛 孔對孔，手摸孔，一個唏嗄喘，一個唏唉呻（chan） 。-噴吹 四跤落地，兩跤勼（kiu） ，講猴，伊又無尾溜，講牛，伊又毋食稻。-搓草 我一枝翹翹，汝一個跳跳，我為汝相思，汝為我掛吊。-釣四跤仔 臍拄臍，手牽伊就來，咿啞兩三下，白膏流出來。-石磨磨米

4、漿 拔起來攝攝（liap） ，穿落去澀澀。-穿襪仔二、物謎（一）人體器官類 頂石合下石中央一尾鯉魚合袂著。-舌 一欉樹兩片葉 越來越去看袂著。-耳仔 二個屜（thuah）仔貯烏棗日時開暝時鎖。-目睭 池外起柳絲池中小孩兒心清池無水心煩水滿池。-目睭 山頂一把草 山下一對燈燈下一個墓墓下一個井井下一個鼓鼓下一條雙叉路。-身軀 五股菜四條溝 五塊瓦片崁股頭。-手指（cainn2） 頂石合下石會生根袂發葉。-喙齒 天頂一抱秧無水無汁家已長。-頭毛 溪口一抱草囝仔揹袂行老人揹咧走。-喙鬚 內山一塊石雨來沃袂著。-舌 紅棗面豬肚身 會使食袂使稱斤。-奶仔 兩個罐仔貯白飯欲食毋免燙。-奶仔 半壁吊豬肚通吸

5、毋通哺。-奶仔 二蕊目睭無目眉有腹肚無肚臍。-跤腿 遠遠看親像咧接官倚（ua2）來看親像在穿線倒落去親像龍蝦咧曝干。-隱龜（二）動物類 頭戴烏紗帽身穿鐵甲襖上天雷公聲落地阿旦行。-牛屎龜（鐵甲虫） 身穿一領烏袈裟盤山過嶺去揣妻人人講我風流子趁著金銀著轉厝。-豬哥塗厝塗門樓 生囝生孫作賊頭。-鳥鼠 一枝雞毛筅二支烏鐵釘問伊欲佗去?欲去內山看見光景。-羊仔 一個矸仔貯烏豆沿路行沿路漏。-羊仔放屎 頭戴紅帽像開花身穿紅衣胎帶來人人講伊樂暢子予伊喝著天就開。-雞公頭尖尾尖 放屎臭 hiam hiam 上桌無人嫌-雞 一個黃罐貯黃蜜放佇壁跤二十日會生跤也會發翅。-雞卵 頭鉤鉤尾像掃帚頭天欲光就哭喉。-鵝

6、仔 有翅飛袂起無跤走千里。-魚 頭刺刺尾拖帆 在生無血色死了遍身紅。-蝦 頭圓尾直六枝跤，四枝翅。-田嬰 生生兩銅斗，煮熟二十升，一家人吃透透，猶偆斗六又四升。-田螺 南陽諸葛亮坐佇將軍帳排成八卦陣欲掠飛虎將。-蜘蛛 一個老歲仔老哀哀厝前厝後補米篩。-蜘蛛 東西南北起八卦穿五椅串食尻川飯並無做生理。-蜘蛛 頭是鷹仔虎尾叉鐵剪股半天塗裡睏離塗丈四五。-燕仔 生在深山坑崁出來遊街走探欲做小生理予人罵到死。-厲鷂 講我禽我又四枝跤講我獸我又無滯山連枵四月日人人讓我先出聲。-水雞 四跤帶一個肚會行袂進步。-水雞 頭戴龍鳳開身戴夜光衣毋宓風雨毋為寒死。-火金姑 日出散四方日落歸滿堂文武百官無阮法只怕孔明

7、用火攻。-蠓仔 竹雞跤，lo3 跤胴，欲共汝講盡心話，予汝掠著毋知人。-蠓仔 有跤無手有衫無鈕出門串食紅燒酒。-蠓仔 日出滿山去黃昏歸滿堂年年初真主日月採花郎。-蜜蜂 身穿青衫頭戴紅帽人來喝咿哦。-金蠅 一項物仔四界偷食人的，予人掠著，爛杇杇（hiu2）-虱母（三）植物類 紅布包白布一喙食一喙呸。-甘蔗 紅皮白汁哺著攝攝（liap） 。-甘蔗 入去硬硬出來軟軟。-甘蔗 一枝竹仔直溜溜神魂隨人去骨頭無人收。-甘蔗 頭鬚鬚尾素素 一喙食一喙吐。-甘蔗 空殼籽軟枝椏 早結籽晏開花。-稻仔 空殼樹缺缺葉 鶯哥鳥歇袂著。-芹菜 青布包白布中央三條路。-冬瓜 滲滲枝滲滲搖 佇塗底結白石。-菜頭 白花矸插青

8、花枝。-菜頭 青皮白腹剖開空殼。-竹仔 頭栽塗尾凍露 徛飛魚脫飾褲臆會出提去哺。-竹筍 頭食塗尾凍露中央脫飾褲。-竹筍 有根無枝有葉無籽風吹溜溜去日曝閣袂死。-水薸（phio5） 頂開花下結籽 大人囝仔愛食甲死。-塗豆 身翹翹面皺皺 見著燒酒一下飲（lim）裘破穿袂著。-塗豆 一重壁二重墻 中央一個金小娘。-塗豆 紅筒仔崁烏蓋風來雨來攻袂破。-紅豆 一個囡仔黃酸黃酸舉竹仔撞尻川。-鳥拔仔 山頂一陣猴趕落來就刣頭刣頭就抹藥抹藥閣捲草蓆。-檳榔 竹篙接天雨傘團圓大的生囝仔較值錢。-檳榔 青桶盤綠竹管 空手去抱囝轉。-芋仔 一支刀仔雙爿利切菜袂落割肉真利害。-菅仔 紅雞籠崁烏蓋 予汝摸毋通共我扑破。

9、-紅柿 風來嘩嘩雨來沙沙隱龜仔囝生百外。-芎蕉 紅蠓罩白遮風 內面一個烏頭司公。-荔枝 八十歲藝旦。-荔枝（耐膣） 一個囡仔穿戰甲問伊欲佗去欲去予人刣肉。-旺梨 青布包白布白布包柴梳柴梳包蝦米蝦米包酸醋。-柚仔 藤絲絲葉缺缺 紅關公白劉備青張飛桃園三結義。-西瓜 青衫疊白褲跤底生毛袂行路。-蔥仔 紅面翁lo3 大舅貓大姑嫷新婦，予汝臆四項菜蔬。-柑仔蜜、菜瓜、苦瓜、匏仔 大的頓垂二的粗皮 三的無骨四的無皮，予汝臆四項菜蔬。-suainn7 仔、荔枝、芎蕉、蓮霧（四）物件類 紅菅蓁白肉仁 臆會著三千銀。-蠟燭 紅菅蓁白腹肉 見著火害害害。-蠟燭 紅面將軍吐舌三分大大細細攏是阮的囝孫。-蠟燭 四角

10、兩面六起七面。-面巾 一項物仔四四角角較大皇帝伊都敢摸伊的頭殼。-手巾 喙講上斤秤無四兩五個人拖十個人搶。-面巾 一個囡仔爛朽朽佇桌頂舞跤舞手。-破布（抹布） 坐恬恬食細膩 腹肚內密密字。-祖先牌位 一坵園仔鬆鬆鬆三蕊花仔紅紅紅。-香爐 一個窟仔圓輪輪種竹袂生根。-香爐 un2 痀康健出門著人扛。-鋤頭 身上無肉用布包文武百官做透透並無一粒五穀落嚨（lann5）喉。-布袋戲尪仔 出來活跳跳入去死翹翹。-布袋戲尪仔 頂無瓦下無磚 新起官廳無久長。-戲棚 新起大厝無久長有桌椅無眠床父子無仝姓翁某無仝床。-戲 紅蜘蛛烏腸肚 鳳陽婆碾車鼓。-灶 半天起官廳並無鑿仔斧頭聲。-鳥岫 半天一塊碗雨來貯袂滿。

11、-鳥岫 重重疊疊四百胎身體有病無人知就叫火公來節脈一尾烏龍走出來。-鞭炮 穿長衫疊馬褂 食點心腹肚破。-鞭炮 生佇園中央死了睏竹床千刀萬割燒灰研末。-熏葉 生在水裡毋佮水同行人人攏欲我無我事袂成。-鹽 一塊四角四角欲食毋免剝殼。-豆腐 四角中央塌腰 牽牽落水死起來剝衫褲。-粽 田厝人家囡竹厝來包領草厝來求婚糖厝來帽娶親。-粽 四角笑笑金帶纏腰相 chua7 跋落水起來剝行李。-粽 看會到用袂著 用會到看袂著。-棺柴 長豬槽匟一條老菜脯臆得到予汝帶轉去做某。-棺柴 山裡一抱杉剉來做雞籃雞母關入去雞囝哀哀呻。-棺柴 一個囡仔古意古意毋食飯欲看戲。-佛像 瘦狗公十三齒 欲食塗毋食米。-鐵耙 有根無枝

12、有喙無舌有時平平大無食枵袂死。-米袋仔 一枝篦仔三寸長中央一塊糖，臆會著予汝吮。-屎篦 一個囡仔矮古矮古踞踮眠床邊看查某。-尿桶 無門無戶有圓窗非絲非竹響叮噹疑是張生和琴韻原是老僧入禪房。-尿壺長跤秀才 輕輕去重重來。 -水桶 柴觀音木秀才 一個落去一個起來。-吊桶 一項物仔破鬖鬖（sam3）三頓攏出來探。-破布（抹布） 生佇水中央死佇米篩裡聽人真濟話鼻人真濟巧味。-草蓆 四跤四臘鵝較大皇帝伊敢騎。-蠓罩 一日走三頓一暝徛到光。-箸 頭光尾鬚倚壁拖塗。-掃帚 一條大索圓滾滾拍鑼拍鼓有時準。-時鐘 面寫字腹肚裝機器卵脬蕩蕩晃。-時鐘 柴箱篾底欲用年節若捌汝就捌毋捌去問恁娘嬭（le2）-籠床 柴做

13、城竹做埕 龜敢過人毋敢過。-籠床 一個烏烏 so5 so5摃破袂用得箍。-鼎 un2 痀姑丈愈洗愈掠癢。-飯篱 圓的嚕嗦扁的嚕嗦害我一身輾輾轉。-石磨 一個窟仔圓輾輾一尾蛇咧洗身。-油燈 阿公 lo3阿媽矮阿公放屎予阿媽貯。-茶瓶、茶杯 有腹肚無肚腸 食人大溪水淹人滿花園。-花矸 一隻烏仔咬蠶絲有路毋行欲行路邊。-針 尖喙鳥鐵甲翅 大人臆一哺囝仔臆一日。-剪刀 斑甲身鐵甲喙 會咬袂喘氣腳瘸手瘸嘴裂甲目睭。-剪刀 頭尖尾瘸中央二粒目睭。-剪刀 銅船載險貨綢緞做路過。-熨斗 四跤雖然徛穩穩腹肚裡沖沖滾。-風鼓 四跤徛穩穩腹肚內沖沖滾。-風鼓 鳥仔腳蜘蛛肚 會食米袂行路會吐霧袂放雨。-風鼓 新起樓仔

14、半門開三牲酒禮請伊來等候烏雲夠無路走出來。-老鼠廚（捕鼠器） 在水禽獸樣死了竹尾上在河溪食水上石壁掠癢。-毛筆 尖喙鳥歇烏溪 食水少言語多。-毛筆 大哥做甲死二哥脫褲做生理予汝臆兩項物。-硯、毛筆 竹做城紙包關 大風來就反亂。-燈籠 竹作城紙做縣 旗竿倒就反亂。-燈籠 一人牽一絲董永望仙姬毋驚狂風吹我去只怕大雨潑我衣。-風吹 廣東是廣東相扑扭頭鬃。-鈸 柴做墻竹做樑 珍珠瑪瑙來排場。-算盤 柴做墻竹做樑 珍珠鋪面下請君來思量。-算盤 一天星半平月 三條索予汝拔。-稱仔（秤） 一身花漉漉卵脬硬酷酷。-稱仔（秤） 烏狗頭白狗喙 入樹林咬咬吠。-斧頭 一隻白喙的烏狗人行綴人行人走綴人走走到山裡 kh

15、i7 khok 吼。-斧頭 一塊桶盤四四角角也會向東西也會向南北有的坦笑有的坦覆。-瓦 有根無枝有喙無舌有食平平大無食枵袂死。-袋仔 一項物仔四四角角有喙無頭殼。-袋子 遠看是袋喙近看是袋喙又毋是布袋的袋喙卻又是袋喙。-牛喙襤 四角無四方七角轉鈴啷韓信上馬去迫死草包王。-碌碡（石輪） 有厝無稻埕 有旗竿無官名。-草抱（稻草堆） 杉鋪程竹圍墘 雷公一下到褪褲走過城。-打榖機 竹唇柴齒 食粟放米。-土壟 睏咧食徛咧放 放袂出搥腰骨。-蝦籠 四邊四欄杆中央空仔縫囡仔唱北曲父母心不安。-椅轎 半天一條雲雲下一隻船觀音來撐渡和尚來搭船。-搖籃 一項物仔彎彎蹺蹺唸唸就 tan3 掉。-神杯 四邊輕輕言語隨

16、身只見言語無見頭面。-書信 六年三頭歸一身四耳聽更鼓兩耳毋知音。-弄獅 出門一蕊花入門一條大菜瓜。-雨傘 一窟水清幽幽 一尾鰻紅目睭。-油燈盞、燈心 四跤又四跤有面無頭殼。-桌仔 一跤會走無喙會吼。-干樂 三跤向上天一個喙生在腹肚邊。-烘爐 頭大尾束放屎硬酷酷。-槍 圓圓縣四角城 有皇帝無官名。-銅錢 二兄弟仔平懸平大日時分開暝時相 chhua7。-門扇 一項物仔矮龜龜食草較濟牛。-灶 一項物仔圓輪輪千人扛袂起身。-圓水井 生時佇水溝死後佇床頭也欲看人生也欲看人死。-草蓆 一枝柴仔直溜溜有鼻無目睭。-針 鐵鳥鐵目睭食草滿山丘。-剃（頭）刀 頂路灣下路直 鶯歌鳥展白翅。-犁 兄弟七十二有的上山有

17、的水底泅。-水車 竹橋是竹橋千人扛萬人搖。-米籮 一個囡仔穿紅衫peh8 上半天 pih8 pok8 彈跋落來一身爛爛爛。-炮仔 在生深山林底死了塗落之街神魂飛上天骨頭擔去賣。-火炭 一跤隨夫人兩跤叫人眠三跤桌頂坐四跤把門神。-傘、雞、香爐、狗（五）天候氣象類 一枝竹仔透天長胡蠅蠓仔毋敢吮（cng7） 。-雨 風吹陣陣，刀切無痕，也好生食，也好燉。-雨 一枝扁擔箍紅墘予汝想三年。-虹 紅扁擔環綠墘 臆會著三百錢（inn5）臆袂著病三年。-虹 長若弓圓若斗 欲來初三四欲去廿八九。-月娘 天生疥（ke3）地生瘤紅劍帶白繡球，予汝臆四項物件。-星、山、虹、月 大姆樓頂khin khong 叫二姆舉火

18、出來照三姆落地掃四姆連鞭到，予汝臆四項物件。-雷、閃電、風、雨 無跤會走無喙會吼無尻川會車糞斗。-海湧 長丈三短丈二 極長無丈四頭尾蓋被中央動葵扇。-年三、字謎 怨無，無怨少（臆論語一句）-不患寡而患不均 不貳過（臆論語一句）-吾道一以貫之 衛生發達（臆孟子一句）-寡人有疾 古不同今（臆孟子一句）-彼一時，此一時也 送汝一斤，我四兩（臆中庸一句）-厚往而薄來 偷香（臆四書一句）-竊聞之 望遠鏡（臆唐詩一句）-欲窮千里目 兩人十四個心（臆一字）-德 正看兩日相連，倒看宛如山田，看下似川非川，看上分明良田（臆一字）-用 六月火燒埔（臆一藥名）-夏枯草 歐洲之種（臆一藥名）-人中白 雨後春筍（臆一台灣地名）-新竹 山明水秀（臆一台灣地名）-景美 薄情郎（臆一台灣地名）-高雄 四季如春（臆一台灣地名）-恒春 開張大吉（臆一台灣地名）-新店 一隻豬母食十二桶潘（臆一台灣地名）-大肚 九塊碗十個人（臆一台灣地名）-基隆（加人） 六月天蓋棉被（臆一台灣地名）-大（tai7）甲（大蓋）