本文格式为Word版，下载可任意编辑【黄梅天（沪语小品文）】小品文 离开学堂里哀种让人瞌充格气氛，人格心情也立刻会得好交关。立夏刚过，公路两边格法国梧桐已经绿意盎然。虽然是黄梅天气，空气湿嗒嗒格，但是也可以算一个勿错格日脚。我笑嘻嘻格讲：“阿拉到哪里去好呢？”伊讲：“我也勿晓得，阿拉就任凭荡荡公路好了。” 也许是交关辰光没出来白相了，伊快乐得像只小鸟，连走路也要跳法跳法了。公路上人蛮多格，我捏牢仔伊格手，生怕伊走没脱。伊格手小小巧巧，讲勿出格适意，拿我格心也漾掉了。阿拉转过街角，伊眼睛尖尖一记头就发觉了对过格冷饮店，就拉牢我跑过去，自说自话格从雪柜里拿出仔两根脆皮雪糕往我手里一塞，然后鸦到我格背后，吃吃格坏笑：“是侬买格。”“痴头怪脑。”我嗔笑着想用雪糕敲伊格脑壳，伊却逃得远开八只脚去。我付了钞票，拿伊捉回来，伊于是抿牢嘴巴，装了老乖老乖格样子。我望了伊一歇，最终自家熬勿牢先笑出来，只好塞拨伊一根雪糕，伊笑得来立也立勿直。我讲：“侬介惹气，将来没人要侬了。”伊立刻跑过来拉牢仔我：“勿搭界格，我跟牢侬好来。”天一点点开头闷起来
