阮兜紅紅的屋頂，灰灰的壁，被白蟻蛀空的柱啊，看起來有淡薄啊，淡薄啊破舊，雖然不是很水，但是春天有五顏六色的花，夏天有陣陣的涼風，秋天有聽不完的小聲話，冬天有吃不 料的火鍋，一年四季都有講不完的笑話，這就是阮兜。阮兜住置下營，阮兜有四個人，阮爸爸在飼鵝啊，每天和鵝啊粘在一起，他講鵝肉是下營特產，阮全家伙啊都靠這群鵝啊過生活，所以要用心去飼，把鵝啊當箸是咱的好朋友，把每一隻鵝 飼个肥肥肥，按人客才會高興，才會跟咱買鵝啊，愈多人來給咱買鵝啊，這樣，咱兜才會很快有錢，阮兜才會變成一間樓啊厝，全家人才樓啊厝通住，阮媽媽常笑講，阮爸爸在做夢，但是有夢才會美啊。阮媽媽是一個很平常的家庭煮婦，每天厝來掃完，閒閒沒代誌，就去个阮爸爸兜飼鵝啊，雖然伊常常跟阮爸爸答嘴鼓，擱很愛碎碎念，叫阮和妹妹要寫功課，但是也是箸用心的替住在這間房子的人煮三等， 伊是全世界尚愛念的查某人，但是也是尚愛阮的媽媽。阮妹妹很古錐，但是很愛哭，愛哭擱愛跟路，每天都哭著要跟阮上學，雖然很煩，但是也沒伊的法度，誰叫伊是阮的妹妹。阮是一個很普通的查某囡啊，長箸不是蓋水，功課不是很好，但是阮很會煮吃，阮媽媽講，查某囡啊不用很厲害，只要會煮吃，以後嫁一個好尪，吃穿就不用煩惱，聽起來好像很有道理，所以阮就很平凡這樣的過下去。是啊，阮兜就是一個尚平凡的所在，雖然不是蓋有錢，下雨的時候還會滴雨水，卻是一個最溫暖的所在。
