1、台灣囡仔歌佮唸謠,主講人 鄭安住老師,踅踅踅,踅踅踅，抈西瓜。膨一下，捺一下，切西瓜，汝一塊，我一橛，看啥是矮仔冬瓜？ （牽雙手轉圈、猜拳，輸的人蹲下）,拍鐵哥,拍鐵哥，應銅鑼。丈姆厝，好佚陶佚陶厭，提錢買甘蔗。甘蔗園仔芳芳芳，囝婿騎馬探丈人丈人無佇厝，姨仔呼狗咬姊夫。姊夫叫不可，無張遲，後壁互狗咬一空。傳統唸謠（相互擊掌）,食桃抑食李,汝欲食桃抑欲食李？欲食桃，送汝去佚陶；欲食李，送汝去死。（在範圍內，矇眼抓人）,食清抑食濁,汝是欲食清？抑是欲食濁？欲食清，送汝去媽祖宮，媽祖保庇汝做好學生（醫生）。欲食濁，送汝去揣嬸婆，嬸婆帶汝去佚陶。,掩咯雞,掩咯雞，走白蛋，隨汝食，隨汝鑽。咯雞仔囝，宓密
2、密，鳥鼠仔囝偷做賊。一支刀咧一支劍，欲走毋走（禁聲），毋通哮（抓食指），毋通哮。（食指放在手掌下，唸到欲走毋走時再抓）,一放雞,一放雞（放一個沙包），二放鴨（再放一個沙包），三分開（將兩個沙包分開），四相疊（將兩個沙包疊在一起），五搭胸（站起拍胸膛），六拍手（拍手），七圍牆（兩手圍成圈），八摸鼻（一手摸鼻），九拉耳（雙手拉耳），十抾起，十一拍塗跤，十二攏總捎。,點仔點水缸,點仔點水缸，啥人放屁爛尻川。點仔點茶甌，啥人今晚來阮兜點仔點茶鈷，啥人今晚欲娶某。點仔點叮噹，啥人今晚欲嫁翁。（用指頭點人當倒楣鬼）,一的炒米芳,一的炒米芳，二的炒韭菜，三的強強滾，四的炒米粉，五的五將軍，六的乞食孫，七的分
3、一半，八的爬梁山，九的九嬸婆，十的撞大鑼，拍汝千，拍汝萬，拍汝尻川做四瓣，嘻嘻嘻！袂見笑，欲輸起呸面，起呸面，烏貓烏狗綴歸陣。,草螟仔公,草螟仔公，穿紅褲，趕牛去買布，趁錢通娶某。新娘仔大腹肚，正月生查甫，二月生查某，拍銅鑼，拼大鼓。,目虱,目虱欲嫁家蚤翁，欲掠蠓仔做媒人。虱母搖手喝毋通，家蚤毋是妥當人。牛蜱大隻兼厚重，嫁伊才會親像人。,天烏烏，毋落雨,天烏烏，毋落雨，蕃薯一秤兩百五。討海人真艱苦，船仔停甲規半晡。欲去又烏影，毋去又吊鼎。阿兄講毋去，阿嫂喝著去。大風大水來拍拚，掠著一尾三斑魚。扛到門口埕，阿兄講欲賣，阿嫂講欲食。蕃薯簽無塊糴，魚仔一大碗，捧咧聊聊看。,天烏烏,天烏烏，欲落雨。舉
4、鋤頭，清水路，囡仔褪褲走無路。拄著一陣鯽仔魚，欲娶某。龜擔燈，鱉拍鼓，田嬰舉旗叫艱苦，水雞扛轎大腹肚，蟾蜍擔盤目睭突。,月仔光炎炎,月仔光炎炎，賊仔偷挖壁。挖去一空雞卵大，鴨卵闊，水牛牽去十外隻。青盲的看，啞口的喝!一直走，走到巷仔口，拄著九嬸婆仔咧炊粿。愛食毋敢說，掩佇肚臍尾。死人粿，墓壙粿，害我肚臍燒甲臭焦兼著火。,白鴒鷥,白鴒鷥，擔糞箕，擔到溝仔墘。跋一倒，抾一圓，買大餅，送大姨。大姨嫌無濟，喝雞喝狗來咒咀。咒咀有，拍新婦，咒咀無，拍嬸婆。,火金星,火金星，十五暝，魚撞鼓，先生娘大腹肚。正月生查甫，二月生查某。坐我船，拍我鼓，食我白米飯，配我鹹菜脯。,月姊姊 簡上仁詞曲,月娘娘，月姊姊，
5、阮是無張遲指著汝，請汝毋通來受氣。攏是咱家己，攏是咱家己。月娘娘，月姊姊，汝是阮阿姊，阮是弟，請汝毋通舉小刀仔，割我的雙爿耳。,臭耳人,臭耳人，爻彎話。青盲的，愛跋杯。啞口的，興講話。瘸手的，愛掠雞。也日出，也日落。也日出，也日落。刣豬反豬肚，尪仔穿紅褲，乞食走無路。,土地婆,土地婆，土地伯，恬恬聽我說。弟子今年五十八，囝孫無半個。好花來稠枝，好囝來出世。紅龜三百二，閹雞五斤四。四果排到滿滿是，謝汝亂彈布袋戲。,烏白食,食土，爻大模；食狗蟻，爻爬崎；食落腹，穩篤篤；食落三寸，變土糞。無驚無嚇，互豬互狗驚，互阮阿樂仔無驚無代誌！,一、二、三、四,一、二、三、四，一、二、三、四，囡仔人驚著無代誌，
6、無代誌，土地婆仔會保庇，保庇汝細漢好搖飼，保庇汝大漢會順適，會順適。一、二、三、四，一、二、三、四，囡仔人褪衫無代誌，無代誌，土地公仔會保庇，保庇汝細漢好搖飼，保庇汝大漢會順適，會順適。,囝啊囝,囝啊囝，當時娶恁娘，無眠床，睏踏枋。無棉被，蓋腰裙。無枕頭，睏草絪。無柴梳，五爪龍。無虱篦，墨賊船，無鏡照水痕。無茶油，抹清潘。,一個老不修,一個老不修，規日撚喙鬚。面饒鼻擱啄，身矮頭拍絿。有水毋洗浴，衫褲穿出油。上愛管閒事，翹喙降目睭。教囡仔做歹，紙牌提來抽。專唱無字曲，專講是風流。講人無影話，互人拉喙鬚。跤帛溜頷頸，才無面憂憂。,刺仔花,刺仔花，開去笑微微。笑我青春無了時，有轎倩來坐，有馬放來騎。
7、馬頭向上山，馬尾掛金鞍。聽著金鞍聲，共恁姐仔做親情。做去好，亦無累爸，亦無累母，累著厝邊的兄嫂。舉鎖匙，開夾褲。紅緞被，繡枕頭。歹命查某嫁著癮痀瘤。啼啼哭哭，毋佮癮痀的睏共頭。,杏仁茶，油炸粿,杏仁茶，油炸粿，看著警察涸涸爬，甌仔摃破四五塊。警察掠去警察衙，大人後擺毋敢賣。,阿兵哥,阿兵哥，錢多多。食豆奶，配饅頭。買魚買肉食佚陶，看著查某憖仙膏。,甜粿過年,甜粿過年，發粿發錢，包仔包金，菜頭粿食點心。,初一遊,初一遊，初二遊，初三遊，初四幪破裘，初五隔開，初六擔肥，初七七元，初八也都完，初九天公生，初十有食食，十一請囝婿，十二查某囝轉來拜，十三食蕃薯簽配芥菜。,新年歌,初一早，初二巧，初三鳥鼠
8、仔娶新娘，初四神落地，初五隔開，初六舀肥，初七七元，初八食完完，初九天公生，初十點燈起，十五上元暝，食飽拆柑棚。,培墓,紅田嬰，紅貢貢，騎牛騎馬來培墓。大兄排紅龜，二兄排牲禮，三兄燒香擱點火。飼牛囡仔圍來分墓粿，墓粿分無夠，豆干鴨卵提來鬥。,月光光,月光光，早早擔水落柑園；柑仔種四欉，四姊妹仔真成人。大的嫁福州，第二的嫁金樹，第三的嫁海岸，第四的嫁內山。大的轉來金馬鞍，二的轉來金桶盤，第三的轉來金交椅，四的轉來氣半死。平平是姊妹，互我嫁上山，三頓糜煮甲爛爛爛，食菜脯，配鹹菜干。,蚵嗲,蚵嗲蔥管炸，鼻著香見見。愛食擱無錢，伸手著加拈。阿狗哥看一見，著摒刀仔箭。狗吠來，拐拖去，掠去告官司。,普渡歌
9、,普渡來，欲做戲，吩咐三，吩咐四，吩咐親家親姆，十五來看戲。對竹跤，厚竹刺，對溪邊，驚跋死，對大路，嫌費氣，無，著攏勿去。,火車,火車欲行東港橋，愈行愈走愈咧叫，一聲短來，一聲長，真爻搖。搖一下來，搖一下去，嗶噗跳。火車欲行西螺橋，愈行愈走愈愛搖，鶯歌若過是板橋，真爻搖。搖一下來，搖一下去，嗶噗跳。,地名歌 上,阮兜住佇後龍庄，溪埔出名西瓜園。落南著是白沙屯，台北嘛有八里坌。北投上讚溫泉池，台灣盡尾鵝鸞鼻。屏東舊名叫阿猴，岡山落南橋仔頭。關仔嶺過是白河，員林出產甜楊桃。新竹入去是竹東，新營出去鹹水港。,地名歌 下,北斗過來是永靖，暖暖行去四跤亭。外澳閣去是頭圍，嘉義一座北回歸。板橋隔壁到土城，
10、台北一個大稻埕。桃園入去是大溪，彰化原名半線街。溪穿過溪到西螺，鹿港出產大摃蝦。竹山出口是竹內，台灣自古好所在。,歹子弟 上,一個歹子弟，讀書展文藝，四書佮五經，咿哦唸上齊。上京去考試，跋儌騙因爸。考官取同名，寄批賣厝地。,歹子弟 下,因爸哈哈笑，便宜凊彩賣。輸了轉來厝，氣死因老爸。因某哭擱罵，火燒籬笆地。四界人飭伊，臭名遍天下。,日本憲兵,日本憲兵戴紅帽，肩頭配銃手夯刀。若有歹人緊來抱，銀票規山免驚無。,坐飛機,坐飛機，看天頂。坐大船，看海湧。坐火車，看風景。坐公車，錢較省。坐牛車，順紲挽龍眼。,臭頭 上,臭頭琉璃燈，提去媽祖宮。媽祖塊無閒，提去觀音亭。觀音媽面笑笑，提去大眾廟。大眾爺面烏烏
11、，提去教場埔。,臭頭 下,教場埔，一堆骨，提去竹仔窟。竹仔長長，提去蕃薯園。蕃薯臭臭，提去海口食下畫。,火金姑,火金姑，來食茶。茶燒燒，配芎蕉。茶冷冷，配龍眼。龍眼會開花，匏仔換冬瓜。冬瓜好煮湯，匏仔換粗糠。粗糠欲起火，九嬸婆仔爻炊粿。炊到臭火焦兼著火。,台灣是寶島 上,喂！喂！喂！台灣出甜粿。甜粿甜粅粅 ，台灣出大佛。大佛第一興，台灣出芋冰。芋冰涼涼涼，台灣出薰腸。,台灣是寶島 下,薰腸芳芳芳，台灣出火籠。火籠燒滾滾，台灣出米粉。米粉真好焄，台灣出龍船。龍船真正好，台灣是寶島。,搖囝歌 上,一歲二歲手內抱，三歲四歲土跤趖。五歲六歲漸漸大，有時頭燒佮耳熱。七歲八歲真爻吵，一日顧伊兩支跤。九歲十
12、歲教針黹，驚伊四界去經絲。,搖囝歌 下,十一十二著拍罵，此去著那學做衫。十三十四學煮菜，一塊桌面辦會來。十五十六欲轉大，驚伊綴人去風花。十七十八做親情，一半歡喜一半驚。,搖仔搖,搖啊搖，搖啊搖，搖到內山去挽茄，挽外濟？挽到一飯籬，也好食，也好賣，也好互嬰仔做度睟。,一年仔倥倥,一年仔倥倥，二年仔孫悟空，三年仔吐劍光，四年仔愛膨風，五年仔上帝公，六年仔閻羅王，閻羅王。,十二生相 上,一鼠賊仔名，二牛駛犁兄，三虎爬山崎，四兔遊東京，五龍皇帝命，六蛇予人驚，,十二生相 下,七馬跑兵營，八羊食草嶺，九猴爬樹頭，十雞啼三聲，十一狗顧門埕，十二豬菜刀命。,樹頂一隻猴,樹頂一隻猴，樹跤一隻狗。猴跋落來撞著狗
13、。猴走，狗亦走。毋知是猴驚狗，抑是狗驚猴。,和尚撞破鼓,和尚，和尚，撞破鼓，提褲來補鼓。鼓破褲補，褲破布補。到底是布補鼓，抑是褲補鼓。,新娘仔 上,食茇仔放銃籽，食柚仔放蝦米，食龍眼放木耳，欲娶新娘上歡喜。新娘仔透早起，,新娘仔 下,入大廳拭桌椅，入灶跤洗碗箸，入房間繡針黹。呵咾兄呵咾弟，呵咾親家親姆爻教示。,日出天才光 上,日出天才光，娶著貧憚新婦，遮晚未起床。大家官叫伊起，面仔臭紛紛。日又晝，,日出天才光 下,囝又哭，頭鬃揹在肩胛頭，跤帛拖佇尻脊後。起來切切罵，攏是恁兩個老柴頭。,愛哭仔胚,愛哭仔胚，擔茶鍋，擔到橋仔墘，跋一倒，拾著一鮮錢，買無夠，倒咧哭。,歹心肝,歹心肝的烏腸肚，欲死著初一十五，欲埋著風擱雨，欲抾骨揣無墓，神主牌予狗拖去哺。,阿財,阿財，阿財，厝頂跋落來。有喙齒，無下頦。叫司公，叫袂來，叫土公，拖去埋。,
